الصّواب اذبحني عنده يالصّواب ..

السلام عليكم
ويسعد مساكم
والصباح
هذه أخر ما كتبت
أضعها بين أيديكم
قصدي
أضعها بين تعرّجات عقولكم
فانتقدوها إن شئتم ..

***********

من بعيد الناس تنظر للسّراب

والسّراب بدنيتي شفته قريب

القريب الموت ون طال الغياب

والغياب أشدّه إغياب الحبيب

والحبيب اللي غيابه لي عذاب

العذاب إبدنيتي ما هو بغريب

الغريب إن يخطي ما يلقى عِتاب

والعِتاب ألقاه .. حتى لو أصيب

والصّواب اذبحني عنده يالصّواب

الصّواب القول والسّمت الأديب

والأدب لو تسأل اسمع الجواب

الجواب إن الأدب حالِه عجيب

العجيب إن الأدب شعر وثواب

والثواب إن تفعله ربك حسيب

والحسيب اللي يحاسب منهو تاب

تاب أدم قبل لا يأتي المشيب

والمشيب إن زارك إلزم المحراب

المحراب أفعالك والقول العذيب

والعذيب الوصف للماء اللي طاب

وطاب لونه والطعم ما هو غريب

والغريب اللي مروره كالسّراب

وما يرد ومالي من وقته نصيب

النصيب إن صاب يأتي بضطراب

اضطراب الرّد ما يرضي الأريب